Rólegheit....

Ég er á bókasafninu á laugardagsmorgni, ekkert þreytt, ekki vottur af þynnku og engin eftirsjá!! Þetta segir allt sem segja þarf!
Vanalega er einhver þreyta í gangi, þynnka og eftirsjá....
En NEI ..fyrir helgi ákvað Svannsí að venda kvæði sínu í kross (segir mar það annars ekki?) og fara til Keflavíkur-Kaupfélagsins og njóta nálægðar náttúrunnar...
Semsagt "family-time"
Koma svo til borgarinnar á Sunnu-dag sem ný og betri manneskja!
Annars hefur þetta á daga mína drifið hérna í Bollywood....
-Saumaklúbburinn "GoldenGirls" kom saman í dýrindis mat hjá Sigurbjörgu á fimmtudagskvöld...þar var að vonum hlegið dátt og dansað saman....
Tak for sidst guldpiger.."Det var Jörgen og Noller godt"
-Setið hef ég á Bæjarbókasafni Reykjanesbæjar og lesið mig til um ýmsar reglur skaðabótaréttar ...margt kunnuglegt fólk er þar á vappi og kaffi á boðstólum....eitthvers sem ég sakna mikið og vantar í stórborgina mína!!
-Sofið með litla bróður mér við hlið á pínu lítilli dýnu...innan um kubba, skrilljón litrík plastdýr, fullt af mismunandi bílum og stórra kalla einsog Hulk, Spiderman og Superman.....gerist ekki mikið betra..já og öruggara!!
-Sofið ráðlagðan 7 klukkutíma svefn ;)
-Svolgrað í mig ýmislegt góðgæti úr ísskápnum á Skólavegi...hehe...
-Stefnan er svo þessa stundina að læra fram eftir degi, kíkja svo kannski á rúntinn út á Garðskaga og anda að sér svölu sjávarloftinu, taka smá krús-kontról á nýja jeppanum, og kíkja kannski í eina heimsókn eða svo til gamalla og traustra vina...sem eru ávallt hérna þegar maður snýr heim...ég finn svona ákveðna öryggistilfinningu þegar ég sit á heimilum þeirra....stöðugleiki og rólegheit... Svona "I´m home" fílingur!!

Annars segi ég þetta bara gott í bili og vona að þið njótið helgarinnar......í faðmi þeirra sem eiga ykkur svo sannarlega skilið! Kiss kiss knús og kram

Læt hér fylgja með lítinn gullmola eftir engan annan en Gullmolann sjálfan Guðmund Steingríms...
,,Auðvitað eru allar skoðanir jafn réttháar, það er bara allt þetta kjaftæði sem er að fara með heiminn til fjandans"
Hvernig er ekki hægt að elska þennan mann útaf lífinu... :)
Skylda fyrir sannleiksunnendur að horfa á Sunnu-dagsþáttinn á Skjá 1 á morgun kl. 11.55-13.00...
Það er bara eitthvað meira en lítið sexí við þennan mann, hann liggur svo innilega ekki á skoðunum sínum og er hrikalega fyndinn, þ.e.a.s. Gullmolinn!